Emetimet globale të karbonit po kthehen në nivelet afër vitit 2019 pasi ranë me 5.4% gjatë pandemisë, sipas një grupi shkencëtarësh që analizojnë gazrat serrë.

Emetimet parashikohen të arrijnë në 36.4 miliardë ton dioksid karboni këtë vit, një rritje prej 4.9% që nga pandemia, tha në një raport të ri Projekti Global i Karbonit, transmeton portal arbresh.info

Emetimet nga qymyri dhe gazi në vitin 2021 pritet të rikthehen mbi nivelet e vitit 2019, thanë shkencëtarët, ndërsa emetimet nga nafta janë ende nën nivelet e tyre të vitit 2019.

Emetimet e parashikuara në Shtetet e Bashkuara dhe Bashkimin Europian ishin nën nivelet e tyre të vitit 2019, emetimet në Kinë ishin parashikuar të ishin 5.5% më të larta në vitin 2021 krahasuar me nivelet e 2019-tës.

LEXO EDHE —> OKB jep alarmin: Njerëzimi rrezikon zhdukjen nga ngrohja globale

India gjithashtu pati një rritje në emetimet e karbonit, me shkencëtarët që parashikonin një rritje prej 4.4% krahasuar me nivelet e vitit 2019. Emetimet u ulën në krahasim me nivelet e vitit 2019 në pjesën tjetër të botës.

Raporti tha se përqendrimi i dioksidit të karbonit në atmosferë është 49% mbi nivelet para-industriale.

Emetimet e qymyrit pritej të rikuperoheshin me 5.7% në vitin 2021, duke tejkaluar nivelet e vitit 2019 me 1%, ndërsa emetimet nga gazi parashikohen të rikuperohen me 4.3%, duke tejkaluar nivelet e vitit 2019 me 2%.

Emetimet e naftës do të rikuperohen me 4.4% në vitin 2021, duke mbetur 6% më e ulët se nivelet e vitit 2019 pjesërisht për shkak të rënies së paprecedentë të vitit 2020.

Raporti vjen ndërsa vendet diskutojnë krizën klimatike në konferencën e Kombeve të Bashkuara për ndryshimet klimatike.

Presidenti kinez Xi Jinping është kritikuar për mospjesëmarrjen në konferencën për klimën, edhe pse Kina është emetuesi kryesor i dioksidit të karbonit në botë./euronews/arbresh.info/